سطب السيرفر الميكروتيك على هارد داتا او ساتا وكله شغال

من طرف eng.sameh الجمعة سبتمبر 21, 2012 11:11 am

بسم الله الرحمن الرحيم

طبعا كتير مننا او من اصحاب الشبكات او اللى شغالين فى مجال السرفرات بينزلو المايكروتيك سرفر
وطبعا لو الكيسه جديده او المازر بورد بيقابله مشكله ان الهارد ساتا فبيحتار ويضطر يغير الهارد لداتا
اما هنا فى الديفيدى هنحل المشكله بكل سهول وهنقدر ننزل الميكروتيك على الهارد الساتا عادى جدا
هنشرح براجه وبساطه بس اهم شئ التركيز لو التركيز راح لا هنقدر نستب المايكروتك على ساتا هارد ولا داتا حتى
يلا بينا

اولا:-
هندخل على الـ Setup بتاع البورده او السيت اب بتاع البيوز وطبعا ده بيكون فى اغلب المازر بورد من زرار الـ Del.

ثانيا:-
بعد ما ندخل على سيت اب البورده هندور على حاجه اسمها ( Ide Configuration ) وغالبا بتكون على وش السيت اب.

ثالثا:-

وبعد ما ندخل على الـ ( Ide Configuration ) ونفتحها هنلاقي حاجه اسمها ( onboard ID Eoperate mode ) نفتحها .

رابعا :-

وبعدين هنلاقي خيارين الاول ( Compatible mode ) و الخيار الثاني (
Enhanced mode ) نختار اول واحد يعنى اختار الي هو ( Compatible mode ) .

خامسا:-

وبعدين نشوف كلمة ( IDE port setting ) ونفتحها هنلاقي ادامها زى قايمه
فيها ثلاث اختيارات اختار منهم الجمله ( Primary P-ATA S-ATA ).

سادسا :-
دوس F10 واحفظ اللى عملته ونزل سرفر الميكروتك على هارد ساتا عادى جدا
[size=21] وعيش حياتك مع المكروتك لا يهمك هارد داتا ولا ساتا مع عاجبنى ان شاء الله مفيش مستحيل